भारतमा रोजगारीका सिलसिलामा गएका सल्यानका चार जनाको जीप दुर्घटनामा मृत्यु भएको छ भने तीन जना घाइते भएका छन्। जिल्लाको कुमाख गाउँपालिका–४ बस्ने जिल्लाका एकै गाउँका ४ जनाको हिमाचल प्रदेशको सिम्ला जिल्ला, कोटखाइमा पिकअप जीप दुर्घटना हुँदा मृत्यु भएको हो । 

मृत्यु हुनेमा ३६ वर्षीय राजेश विष्ट, ४८ वर्षीय डिल्ली शाही, ३७ वर्षीय एकेन्द्र शाही र २६ वर्षीया लक्ष्मी शाही रहेको कुमाख–४ का वडाध्यक्ष शोभिलाल बस्नेतले जानकारी दिनुभयो । उहाँका अनुसार घाइते हुनेमा सोही गाउँका २६ वर्षीय हिमबहादुर शाही, ३६ वर्षीय नेवबहादुर शाही र २२ वर्षीय हेमन्त शाही रहेका छन् ।

आइतबार बिहान करिब ९ बजे डेराबाट एक घण्टाको दूरीमा काममा जाँदै गर्दा एचपी ६३–७८९७ नम्बरको पिकअप जीप भीरमा खस्दा दुर्घटना भएको हो। गत साउनमा रोजगारीका लागि भारत पुगेका उनीहरू दुर्घटनामा ज्यान गुमाएपछि गाउँ शोकमा डुबेको वडाध्यक्ष बस्नेतले बताउनुभयाे ।

तीन जना मृतक एकै परिवारका हुन्। प्रारम्भिक अनुसन्धान अनुसार चालकले नियन्त्रण गुमाउँदा गाडी दुर्घटनामा परेको हो। लक्ष्मी शाहीलाई गम्भीर घाइते अवस्थामा अस्पताल पुर्‍याइएकाे थियो तर उपचारकै क्रममा मृत्यु भएको प्रहरीले जनाएको छ । 

यस्तै, गम्भीर घाइते डिल्ली शाहीलाई इन्दिरा गान्धी मेडिकल कलेज अस्पताल पठाइएको थियो तर उपचारका क्रममा उनको पनि मृत्यु भयो । घाइते दुई जनालाई उपचारपछि कोटखाइ स्वास्थ्य केन्द्रबाट डिस्चार्ज गरिएको छ। शवलाई पोस्टमार्टमपछि नेपाल ल्याउने पहल भइरहेको जनाइएको छ।

घटनापछि भारतीय प्रहरीको तर्फबाट भारतीय न्याय संहिताको धारा १०६ अन्तर्गत ‘लापरबाहीका कारण मृत्यु’ शीर्षकमा मुद्दा दर्ता गरी अनुसन्धान भइरहेको डीएसपी सिद्धार्थ शर्माले जानकारी दिएका छन्।

यसैबिच, हिमाचल प्रदेशका मुख्यमन्त्री सुखविन्दर सिंह सुखुले एक विज्ञप्ति जारी गर्दै घटनाप्रति दुःख व्यक्त गर्नुभएको छ। उहाँले शोकसन्तप्त परिवारसँग सरकार सधैं रहने र आवश्यक सहयोग उपलब्ध गराइने आश्वासन दिनुभयो। शिक्षा मन्त्री तथा कोटखाइ क्षेत्रका सांसद रोहित ठाकुरले पनि दुर्घटनाप्रति समवेदना व्यक्त गर्दै घाइतेहरूको स्वास्थ्यलाभको कामना गर्नुभएको छ।

भोटेकोसी बाढीपीडितका लागि अमेरिकामा जुट्यो ५० हजार डलर

भोटेकोसी बाढीपीडितको राहतका लागि अमेरिकामा रहेका नेपालीले ५० हजार अमेरिकी डलर सङ्कलन गरी प्रधानमन्त्री दैवी प्रकोप उद्धार कोषमा जम्मा गरेका छन्

नेपालको पछिल्लो घटनाक्रमबारे अन्तर्राष्ट्रिय समुदायको चासो

पालमा पछिल्लो समय विकसित घटनाक्रमलाई लिएर संयुक्त राष्ट्रसङ्घ, मित्रराष्ट्रलगायत अन्तर्राष्ट्रिय मित्र तथा समुदायले शान्तिपूर्ण संवादमार्फत

सल्यानी समाज दक्षिण कोरियाको:आगामी कार्यकालको लागि नयाँ नेतृत्व चयन

सल्यानी समाज दक्षिण कोरियाको अधिबेसन आइतबार छनानमा सम्पन्न भएको छ। समाजको दोश्रो अधिवेशनले आगामी कार्यकालको लागि नयाँ नेतृत्व चयन गरेको छ। बसन्त