नेपाल इन्भेस्टमेन्ट मेगा बैंक लिमिटेड, सल्यान शाखाले आफ्नो संस्थागत सामाजिक उत्तरदायित्व कार्यक्रमअन्तर्गत कल्याणकारी अपाङ सेवा संघ, सल्यानलाई करिब २० हजार रुपैयाँ बराबरका विभिन्न भाँडावर्तनका सामग्री सहयोग गरेको छ।
बैंकले नयाँ ग्यास चुलो, प्रेसर कुकर, पानी फिल्टर, कप–सेट, गिलास,डस्टबन,जग,लगायत दैनिक प्रयोगमा आवश्यक सामग्री मंगलबार संघलाई हस्तान्तरण गरेको हो।
सहयोग सामग्री नेपाल इन्भेस्टमेन्ट मेगा बैंक सल्यान शाखाका प्रमुख शिवदेव गौतम ले कल्याणकारी अपाङ सेवा संघका अध्यक्ष कृष्ण बुढा लाई हस्तान्तरण गर्नुभयो।
कार्यक्रममा शाखा प्रमुख गौतमले बैंकले नाफामुखी वित्तीय सेवा मात्र नभई समाजप्रतिको दायित्वलाई पनि उत्तिकै महत्व दिँदै आएको बताउनुभयो। उहाँले अपाङता भएका व्यक्तिहरूको सेवा र अधिकारका लागि सक्रिय संस्थाको कामलाई थप प्रभावकारी बनाउन सहयोग गरिएको उल्लेख गर्दै आगामी दिनमा पनि शिक्षा, स्वास्थ्य, सामाजिक समावेशिता तथा समुदाय विकासका क्षेत्रमा यस्ता कार्यक्रमलाई निरन्तरता दिइने जानकारी दिनुभयो।

सहयोग ग्रहण गर्दै कल्याणकारी अपाङ सेवा संघका अध्यक्ष कृष्ण बुढाले बैंकको सहयोगले संस्थाको दैनिक सञ्चालन तथा सेवाग्राहीलाई सेवा प्रवाह गर्न थप सहज हुने बताउनुभयो। उहाँले सामाजिक उत्तरदायित्वअन्तर्गत गरिएको सहयोगका लागि नेपाल इन्भेस्टमेन्ट मेगा बैंकप्रति हार्दिक आभार व्यक्त गर्नुभयो। हस्तान्तरण कार्यक्रममा वडा नं.२ का अध्यक्ष सबिन हमाल,गैर सरकारी सस्था महासंघ रामचन्द्र रेग्मी, पत्रकारलगायका सहभागिता रहेको थियो 
पछिल्ला वर्षहरूमा नेपालसहित विश्वभर संस्थागत सामाजिक उत्तरदायित्व  का गतिविधिहरू विस्तार हुँदै गएका छन्। कुनै पनि संस्था समाजबाट स्रोत–साधन प्राप्त गर्ने, समाजकै लागि वस्तु तथा सेवा उत्पादन गर्ने र समाजमै आफ्नो गतिविधि सञ्चालन गर्ने भएकाले समाजप्रति उत्तरदायी हुनु आवश्यक मानिन्छ। यसै अवधारणालाई आत्मसात गर्दै नेपाल इन्भेस्टमेन्ट मेगा बैंकले समुदायको आवश्यकता पहिचान गरी सामाजिक क्षेत्रमा सहयोग गर्दै आएको जनाएको छ। 

भाँडावर्तनको विवरण:

हराउँदै गएको चिठी संस्कृतिलाई नयाँ पुस्तासँग जोड्ने प्रयास

आधुनिक सूचना तथा सञ्चार प्रविधिको तीव्र विकाससँगै परम्परागत चिठी लेखन संस्कृति ओझेलमा पर्दै गएको अवस्थामा यसको संरक्षण तथा विद्यार्थीमा

शारदा नगरपालिकामा चार अत्याधुनिक “स्मार्ट शौचालय” सञ्चालनमा

सल्यानको शारदा नगरपालिकाले नगरभित्रका विभिन्न स्थानमा चारवटा अत्याधुनिक “स्मार्ट शौचालय” सञ्चालनमा ल्याएको छ। सार्वजनिक शौचालयलाई सफा,

घना जंगलबीच ४५ वर्षदेखि टहरोमा जीवन : सुरक्षित घरको पर्खाइमा सार्की परिवार

सल्यान–सुर्खेत सिमानाको घना जंगलमा कालिमाटी गाउँपालिका–७, वनगाउँका जितबहादुर सार्कीको परिवार विगत चार दशकदेखि असुरक्षित टहरोमा बसोबास गर्दै